Garden ligg på bresjø og elveavsetningar frå avsmeltinga etter siste istid.  Jorda består av  sand med innslag av silt og morene.

Sygard Forberg ligg i ei grend med gammal busetnad.  På grannegarden Nordistun Hole er det gjort gravfunn frå yngre jernalder (700-talet).

Allereie i 1538 var det tre gardbruk Forberg.  I 1589 hadde talet auka til fire, som i dag.

Sygard Forberg var bygt saman med Nordistun Forberg fram til utskifting i 1864, da tunet vart flytta dit det ligg nå.  Ætta til dagens eigarar tok over garden rett før utskiftinga.

Alle Forbergsgardane har seter på Dyringen  i Skjåk almenning.  For tida blir setra brukt til beite og slått.

Sidan starten i 2004 har Sygard Forberg vore medlem i Einingje samdrift SA.